कानिफनाथा मी पाहीले- प.पू.देवेंद्रनाथ
कानिफनाथा मी पाहीले
समाधीतुनी समीप आले !! धृ !!
जटा मोकळी दाढी छोटी
मोहक डोळे सतेज दृष्टी
प्रसन्न मुद्रा सुवर्ण कांती
किशोर यौवन असे पाहीले !! १ !!
हाती कटोरा झोळी खांदी
त्रिशूळ घेउनी उभे राहती
भगवी कफनी भस्म कपाळी
रुद्र माळा गंध हि दिसले !! २ !!
कन्थ्या पुंगी शंख निश्रुंगी
पायी खडावा दवणा अंगी
कडे पाहीले एका पायी
अश्वही उमदा म्या पाहीले !! ३ !!
माथी फेटा जव मेवाडी
तव नाथांच्या अंगी मोती
गंभीर मुद्रा अश्वावरती
दीन दयाळू योगी बनले !! ४ !!
हसती बोलती बेटा मजला
जवळ बसवूनी सनाथ केला
चराचरी मज ब्रह्म भासला
वाळुनी काय भान हरपले !! ५ !!
नाथांचा मी दासही झालो
गुरुकृपे अमृत प्यालो
राघव कृपे देवेंद्र झालो
गुरुनाथांसी म्या पाहीले !! ६ !!
प.पू.देवेंद्रनाथ
